"პენსიონერი ბერიკაცი ვარ", - ასე გაგვეცნო "გზის" ერთგული მკითხველი, რომელიც აპროტესტებს ვირტუალურ ურთიერთობებს და ამის გამო წლებია, ემიგრანტ შვილთან არ უსაუბრია. მის წერილს მცირეოდენი შესწორებებით გთავაზობთ:
"გილოცავთ ახალ წელს. ეს წელი ყოფილიყოს ბედნიერების, მშვიდობის, იმედების ასრულების წელი, თქვენს ჟUურნალს კი ვუსურვებ დაებრუნებინოს წართმეული გვერდები - ახლა რომ შიმშილისგან გაძვალტყავებულ მოდელს ჰგავს, ქართველ კაცებს რომ გვიყვარს, ისეთი სუნსულა გამხდარიყოს - ეს ხუმრობით...
მე მიყვარს "გზა". თუმცა, ყოველთვის ვერ ვახერხებ მის შეძენას, რადგან მიჭირს კვირაში ლარნახევარი გავიმეტო პენსიონერმა ჟურნალისთვის. არადა, მართლა ნამეტნავად შემაყვარეთ თავი წლების მანძილზე. პენსია თუ გამეზრდება, როგორც ამას ჩინოვნიკები "საარჩევნო სიზმრებში" გვპირდებოდნენ ან თქვენ თუ ისევ ლარად გაყიდით თქვენს მარგალიტს, მაშინ ჩვეულ სტილში ჩავდგები, თუ არა და, როცა საშუალება მექნება, ვიყიდი და როცა არ მექნება, ისევ "კიოსკების" გამყიდველებს შევაწუხებ ჩემი წუწუნით და ისინიც მათხოვებენ ხოლმე, თვალი რომ გადავავლო.
ახლა, რისთვის გაწუხებთ: მინდა, ხმა მივაწვდინო ჩემს ქალიშვილს, რომელიც საბერძნეთშია. ვიცი, უყვ
Advertisement
You must have
Flash Player installed in order to see this player.
არს თქვენი ჟურნალი: ქეთინო, არ გრცხვენია, მამა ასე რომ დაივიწყე? ნუთუ, სანამ ფეხებს არ გავფშეკ, ჩამოსვლას არ იკადრებ? არადა, რამდენი რამ მაქვს შენთვის სათქმელი. როგორ მჭირდება ახლა ქალიშვილის მზრუნველი ხელი. მე იმისთვის არ გამიზრდია შვილი, რომ გამქცეოდა. მინდოდა, გვერდით მყოლოდი, რომ ხშირად ჩამხუტებოდი, თავზე ხელი გადაგესვა ჩემთვის და გეთქვა, რომ გიყვარვარ. სულ ეს არის, რასაც შენგან მოვითხოვდი ამ სიბერეში, თორემ მე არც შენი გამოგზავნილი ტკბილეული მინდა და ფული ხომ მით უმეტეს...
განაგრძეთ კითხვა